Páskafrí

Nú er ég búin að fara til Eyja og það var alveg frábært. Jóhanna fékk að bjóða Þuríði vinkonu sinni með og þær fengu fullt af sögustundum hjá pabba o held þeim hafi bara líkað vel.

Pabbi kom með mér til baka og ætlar að stoppa í nokkra daga. Svo förum við í Hrísey og heimsækjum barnabarnið og frænku (líka Vilborgu).

Stebbi átti afmæli daginn sem ég kom heim og ég var búin að undirbúa smá veislu sem hann vissi ekki af. Jóhanna hins vegar stal senunni og  fékk bráðaofnæmi og það þurfti að flytja hana á sjúkrahús með hraði. Það fór þó allt vel en við vorum í dágóða stund á spítalanum og pabbi varð að taka ða sér að taka á móti gestunum. Hann stóð sig auðvitað vel í því eins og við er að búast. Ég vona að Stebbi fyrirgefi mér að koma svona aftan að honum. Hann er ekkert vanur að vera í aðalhlutverki.

Ég gaf honum gönguskó enda erum við alltaf að ganga saman og vonnadi að við getum farið í margar góðar göngur í sumar á nýjum skóm!

Kv

Anna Magga

Síðasta kennslustund fyrir páska

Er að kenna síðustu kennslustundina fyrir páska! Hef vit á því að vera með leiki og þægilegheit síðasta dag fyrir svona frí. Er með spil sem auðvitað er á ensku en ég þarf ekkert að gera nema horfa á og fylgjast með að allt fari vel fram.

Ætla til Eyja á morgunn að heimsækja mömmu og pabba og Jóhanna littla dúllan mín fer með. Svo á að taka það mjög rólega það sem eftir er af fríinu enda veitir ekki af eftir alla vinnuna undanfarið.

Kv

 

Að sýningu lokinni!

Stórsýning búin og ekki alveg átakalaust. Ég held að minnsta kosti að atriðið okkar kvennanna verði það umtalaðasta en er það ekki það sem maður vill! Þrátt fyrir að allt hafi farið eins og það fór var gamana ð taka þátt í þessu. Ég sé alltaf betur og betur hvað ég á góðann hest!

Jóhanna sæta var í smá stund í miðasölu. Hún hjálpaði mömmu sinni að setja greiðslu í Röksemd og hún var ferlega flott þegar var búið að setja skrautið líka. Læt myndirnar tala.

Kv

Anna Magga

Stórsýning

Stórsýninginn í dag. Hlakka rosalega til. Við konurnar erum búnar að vera að æfa okkur á fullu og ég held að þetta geti orðið ágætt hjá okkur. En auðvitað verður það bara að koma í ljós. Er búin að vera að búa til skraut á hestana okkar. Svo sem ekkert mikið bara slaufur. Ein mynd af því og ein af mér og Röksemd þegar að við vorum að byrja eftir haustfríið. Svo ein af Þórunni Mörtu.

Kv

Anna Magga

Þæfing

Var á námskeiði um helgina að læra að þæfa. Frábært námskeið og frábær leiðbeinandi. Ég þæfði tösku, stúkur  og tvær kúlur.

Nokkrar myndir.

Kv

Anna Magga

                

Þorri blótaður

Jæja þá er ég búin að blóta Þorra í fyrsta skipti hér á Blönduósi. Það tók 8 ár að hafa það af (og að skipta um mann). Nú hlýtur maður að vera orðin gildur limur í samfélaginu þar sem ég og nýji kærastinn vorum tekinn fyrir og ekki einu sinni heldur þrisvar held ég að ég muni rétt. Skemmtilegt blót. Mikið borðað og dansað og sennilega hefði mátt drekka aðeins minna þó allt hafi farið vel fram, en á ekki að blóta almennilega fyrst það er alment og yfirleitt verið að blóta?

Við mæðgur vorum báðar á blóti og það var tekinn mynd af okkur áður en við fórum. Læt hana fylgja með þó ekki sé annað en fyrir mömmu.

Kveðja

Anna Magga

Enn að vinna

Nú er búin að vera törn í vinnunni og ég er að vinna liggur við nætur og daga. Það er námsmat og það er svo mikil vinna að fara yfir allt þegar maður er að reyna að láta ekki allt standa og falla með einu prófi. Þetta hafðist þó í gær rétt fyrir kl 6 en þá átti eftir að skrifa umsagnir um alla nemendur og það tekur tímann sinn þar sem ég er að kenna frá 4. bekk og upp úr. Ég hef verið fram að kvöldmat alla síðustu viku og oftat lengur fyrir utan að hafa mætt 2 daga í fríinu mínu. Svo sem ekki heila daga en það er sama. Ég nenni þessu ekki meir en verð að klára á mánudag. Ákvað að blogga smá til að hvíla mig á hinum leiðindunum. Það er frábært að vera kennari en þetta er ein af neikvæðu hliðunum.

Kv

Anna Magga

Jól og áramót á Smárabraut 8

Þá eru jól og áramót að klárast. Ég er búin að eiga frábæran tíma með börnunum mínum. Eins og flest önnur er búið að borða mikið, spila talsvert en ég hef ekki lesið neitt. Sennilega fyrstu jól sem ég les ekkert eftir að ég varð læs. Nokkrar myndir.

            

Ég var dagpart á Brekkubyggð á milli hátíða. Þar var verið að brjóta einu sinni sem oftar. Mig langaði að sjá hvort ég réði við svona brotvél og auðvitað fékk ég að prófa. Ég þarf alltaf að sýna (og sanna) að ég sé ekki nein dúkkulísa en börnin mín tjáðu mér að engum dytti það í hug! Ekki veit ég af hverju!

   

Ekkert smá myndarleg börn sem ég á. Ég er ríkasta manneskja á Blönduósi.

Gleðilegt ár

Anna Magga

Jóladinner Bútós

Í gærkveldi hittumst við Bútóssystur á Árbakkanum og borðuðum okkar árlega jóladinner. Við fengum auðvitað frábæran mat eins og alltaf á Bakkanum. Flottar jólagjafir og stjórnin gaf okkur hinum jólaengla voða sæta. Ég gleymdi að vera með jólagjöf og fékk þess vegna tvo litla. Takk fyrir mig. Nokkrar myndir af okkur systrum.

Kv

Anna Magga

Akureyrarferð fjölskyldunnar

Var búin að lofa nokkrum myndum frá Akureyrarferð fjölskyldunnar. Flestar auðvitað af litlu frænku því hún er auðvitað sætust. Við fengum þetta líka fína lærið hjá Vilborgu systur í Hrísey. Þar var búið að koma upp all nokkuð mikið af ljósum eins og vanalega.

Læt myndirnar tala.

       

Við fórum í keiluá sunnudeginum og þar var fjölskylda Aadnegard fyrir. Skömmu síðar bættist Auðun og fjölskylda við þannig að Blönduósingar báru uppi keilusalinn þennann daginn. Áttum frábæra stund í keilu. Jóhanna vann fyrri leik með þó nokkrum yfirburðum og mamma tók seinni leikinn. Skemmtuninn er samt það sem skiptir máli.

           

Kveðja

Anna Magga