Gjafirnar góðu

Ég fékk alveg frábæra gjöf í gær. Hún beið mín þegar ég kom heim í hádegismat. Elli í næsta húsi samdi eftirfarandi og sendi mér:

Þú eyja drottning dásamleg

þig dreymir enn um þorið,

alltaf heil og hugguleg

þú heilsar eins og vorið

 

Þú átt fagran framaveg

fóstran góð um veginn.

Hjá þér lifa ljós við veg

og liljur beggjamegin.

Er ekki dásamlegt að eiga svona nágrana? Takk fyrir Elli.

Í gærkveldi komu svo Bútoskonur og færðu mér innflutningsgjöf. Gjafabréf frá Kaupþing banka. Er ekki um að gera að nota það strax. Rýrna peningar ekki með hverjum deginum? Vantar held ég ekkert í húsið þ.a. ég ætla að kaupa eitthvað fallegt handa mér!

Ég fór aðeins í Laufskálarétt á laugardaginn. Myndir næstu daga af því.

Kv

Anna Magga

Athugasemdir

[Eva Rán (IP-tala skráð) 8.10.2008 kl. 11:25]

Hæ skvís og til hamingju með húsið.Gaman að sjá hvað þú ert dugleg og hvað hefur gengið mikið á hjá þér við að klára húsið :)

Vona að þú hafir það sem allra best og ég kíki á þig þegar ég kem næst á dósina :)

Kær kveðja Eva Rán